कास्कीमा डेङ्गीबाट सबैभन्दा धेरै सङ्क्रमित भएका छन् र स्वास्थ्य मन्त्रालयका अनुसार हाल सम्म गण्डकीमा तीन पुरुष र चार महिला गरी ७ जनाको मृत्यु भैसकेकाे छ ।
पोखरा महानगरपालिकामा मात्रै अहिलेसम्म ६ हजार चार सय ५२ जनामा डेङ्गी सङ्क्रमण पुष्टि भएको छ । तथ्याङ्कअनुसार सबैभन्दा बढी कास्कीमा ६ हजार पाँच सय ४८ र सबैभन्दा कम मनाङमा दुई जनामा सङ्क्रमण पुष्टि भएको हो ।
कात्तिक महिनाभरि डेङ्गी सङ्क्रमणको बढी जोखिम रहेकाले सचेत हुन मन्त्रालयले आग्रह गरेको छ । चाडपर्वको समयमा एक ठाउँबाट अर्को ठाउँमा जाने मानिसहरूको चहलपहल धेरै हुने भएकाले पनि डेङ्गी अझै फैलिनसक्ने डाक्टरहरूले बताएका छन् ।
—
सम्बन्धित खबर
प्रतिक्रिया दिनुहोस
ट्रेन्डिङ
भर्खरै प्रकाशित