मुग्लिन–नारायणगढ सडकखण्डमा पुलको फाउण्डेशन बनाउन भित्ता काट्ने कामका गर्नकाे लागि  २१ दिन म्याद थप गरी सडक बन्द  गरिएको छ ।

जिल्ला प्रशासन कार्यालय चितवनमा बसेको सरोकारवालाहरुको बैठकले माघ २१ गतेदेखि २१ दिनसम्म सडक दैनिक ४ घण्टा बन्द गरेर भित्ता काट्ने कामलाई निरन्तरता दिने निर्णय गरेको आयोजनाका इन्जिनियर सूचना अधिकारी कृष्ण आचार्यले जानकारी दिए ।

तुइन खोला पुलको जग हाल्न मुग्लिनतर्फको भित्ता काट्ने काम भैरहेको छ । त्यसका लागि हाल दिउँसो १२ बजेदेखि ४ बजेसम्म सडक बन्द हुँदै आएको छ ।

याे सडक खण्डमा बन्ने नयाँ १९ वटा पुल मध्ये यही तुइन खोलाको पुलको काम बाँकी रहेकाे छ । 

—