आज गण्डकी प्रदेशका पहाडी एक, दुई ठाउँमा हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार पश्चिमी वायुको आंशिक प्रभावका कारण कोशी, गण्डकी र बाग्मती प्रदेशका पहाडी भूभागको मौसम आंशिक बदली हुनेछ । अन्य क्षेत्रको मौसम भने सामान्यतया सफा रहने महाशाखाका मौसमविद् सरोज पुडासैनीले बताउनु भयो।

काठमाण्डौ उपत्यकामा बिहानपख घाम लागे पनि दिउँसोपछि मौसम बदली हुने पुडासैनीले बताउनु भयो । आज काठमाण्डौ उपत्यकाको न्यूनतम तापक्रम ६ डिग्री मापन गरिएको छ । दिउँसोपख अधिकतम तापक्रम २१ देखि २३ डिग्री पुग्नसक्ने महाशाखाको अनुमान छ। 

—