धरानबाट भोजपुर घोरेटार जाँदै गरेकाे जीप उदयपुरमा  दुर्घटना हुँदा छ जनाको मृत्यु भएकाे छ ।

दुर्घटनामा छ जनाकाे घटनास्थलमै ज्यान गएकाे र अन्य आठ जना घाइते भएका जिल्ला प्रहरी कार्यालय उदयपुरका प्रहरी उपरीक्षक  रमेश थापाले जानकारी दिनुभयाे । को १ ज २५९३ नम्बरको जीपमा १४ जना सवार रहेका सूचना प्राप्त भएको प्रहरीले जनाएको छ ।

जीप चालक मानबहादुर बस्नेतबाहेक अन्य मृतकको सनाखत भइसकेको छैन । घटनास्थलमा उद्धार कार्य जारी रहेको र घाइतेलाई थप उपचारका लागि धरान लैजाने तयारी भइरहेको प्रहरीले जनाएकाे छ ।

—