जनकपुरधाम उपमहानगरपालिका-२० रुपैठाकी ३६ वर्षीया गौरी देवीको करेन्ट लागेर एक महिलाको मृत्यु भएको छ । 

उनलाई आज बिहान पौने ६ बजे चार्जमा लगाएको ई-रिक्साको तार छुटाउने क्रममा करेन्ट लागेको थियो ।

उपचारको लागि न्यूरो हस्पिटलमा पुर्‍याइएकाे भएतापनि चिकित्सकले मृत घोषणा गरेको डिएसपी अवाले जानकारी दिएका छन् ।

शव पोस्टमार्टमका लागि प्रादेशिक अस्पताल जनकपुरमा राखिएको र घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।

—