नेपाल खेलकुद पत्रकार मञ्चले आज काठमाण्डाैमा पत्रकार सम्मेलनमार्फत २१औं संस्करणको अवार्डको चार वटा विधाका मनोनयन सार्वजनिक गरेको हो ।

स्पोर्ट्स अवार्ड २०८० को वर्ष पुरुष, महिला, युवा खेलाडी तथा प्रशिक्षक गरी चार वटा विधाका छनाेट सार्वजनिक भएको छ ।

चार विधामा उत्कृष्ट ५/५ जना खेलाडी र प्रशिक्षक मनोनयनमा परेका छन् । अवार्डका लागि क्रिकेटबाट सबैभन्दा धेरै पाँच जना परेका छन् ।

अवार्डका लागि पुरुषतर्फ क्रिकेटका दीपेन्द्रसिंह ऐरी र रोहित पौडेल, कराँतेका मोहम्मद सेखु आलम, र गल्फका सुवास तामाङ र फुटबलका अनन्त तामाङ मनोनयनमा परेका छन् । महिलातर्फ  फुटबलकी सावित्रा भण्डारी, क्रिकेटकी रुबिना क्षेत्री, कराँतेकी एरिका गुरुङ, कबड्डीकी मेनुका राजवंशी र एथ्लेटिक्सकी सन्तोषी श्रेष्ठ मनोनयनमा परेका छन् ।

यसैगरी युवा वर्ष खेलाडीको मनोनयनमा क्रिकेटका अर्जुन कुमाल टेबल टेनिसका सुजन गडाल र टेनिसकी सुनिरा थापा , भाराेत्ताेलनका हेमन्तपाल र फुटबलकी प्रीति राई छन् । वर्ष उत्कृष्ट प्रशिक्षकमा पारा तेक्वान्दाेका कविराज नेगी लामा, कराँतेका कुशल श्रेष्ठ, क्रिकेटका मोन्टी देसाई, कबड्डीकी पार्वती राई र भाराेत्ताेलनका सञ्जय मर्हजन मनोनयनमा परेका छन् ।

—