मुस्ताङमा आज फेरि हिमपात भएको छ, देशभरीकाे माैसम प्रभावित भैरहेकाे बेला आज दिउँसो ११ः०० बजेदेखि बारागुङ मुक्तिक्षेत्र र उपल्लो मुस्ताङमा पुन व्यापक हिमपात भएको हो।

यसअघि गत शनिबार र सोमबार पनि मुस्ताङमा भारी हिमपात भएको थियो। चैत महिना सकिन लाग्दा मुस्ताङमा पटकपटक हिमपात र वर्षा हुने क्रम रोकिएको छैन।

गर्मीयाम सुरु भइसक्दासमेत हिमपात हुने क्रम नरोकिँदा मुक्तिनाथ मन्दिरको दर्शन र उपल्लो मुस्ताङ घुम्न जाने पर्यटकको यात्रा कष्टकर बनेको छ।

—